ميشيل الحجل على درب القداسة؟
بعد حوالي ٤ سنوات على وفاتها بالسرطان، وجهها طريّ وشعرها طويل.. ميشيل الحجل على درب القداسة؟ “من بعد إشارات و شهادات صرلها سنين لليوم عم تحصل بسبب ميشيل، و كرمال ما نُتًهَم بالتخيلات متل من البعض، و للاسف خجلوا من نفسن، و من بعد ما اتوافق انو نفتح مدفن ميشيل، مبارح و بوجود كاهنين من رعيتي، و شخص من عائلتي اللي هوي أسعد، و العم جوزيف المسؤول عن المدافن يللي ركع و صار يبكي، اتبين انو وجها لميشيل من بعد اربع سنين بعدو نفسو بتفاصيلو، ملمسو طري، شعرها طولان لدرجة مغطا نص وجا، حواجبها ظاهرين كتير و مع العلم انو ميشيل اندفنت بلا شعر و بلا حواجب. و هالشي الطب بيأكد انو من بعد اول سنة الجسم بيتحلل كلو، و من ٢٤ ل ٤٨ ساعة الشعر و الاظافر بيوقعو.
حوالي النعش و بقلبو بتفح ريحة القداسة، و النقاوة و النضافة ظاهرة. رح ننطر الكاهن يرفع الشهادة لسيادة المطران و اللجنة الطبية تا يأكدوا اكتر على هالنعمة، و ساعتها المطرانية بتعلن كل المعلومات.
شو قوية انت يا ميتشي.. شو قوية بإيمانك و بحبك ليسوع تا قدرتي تخلي الناس تحبك و تآمن فيكي تا وصلتينا نشهد عا أجمل ما شافت العين.. شو كبيرة رحمتك يا يسوع..”
متل ما الكل صار بيعرف و متل ما ميشيل حجل قدرت تعرّف الكل عليها من خلال رسالتها عالأرض يلّي كانت عم توصّلها بكل حب و إيمان.. عبَرِت و صارت مثال لكتار منا! شفنا شباب مشيوا على درب القداسة، متل كارلو اكوتيس و غيرو، و شفنا ميشيل مشيت درب الجلجلة بفرح و بقيت من محل ما هي هلق مكفايي لتوصل رسالتها. ميشيل حجل، اسما ما انتسى و بعدو بيتكرر بكل كلمة صلاة..
إقرأ المزيد: مُنتجات منزلية يومية “تُحاول قتلك”
